АҚШ президенти Доналд Трамп яқин ҳафталар ичида Вашингтон билан савдо битимларини имзоламаган давлатларга Америка бозорида фаолият юритиш учун божлар миқдори ҳақида хабар берила бошланишини маълум қилди.
"Бизда бир вақтнинг ўзида 150 та мамлакат битим тузишни истаяпти, аммо уларнинг барчаси билан учрашиш имконсиз. Шу сабабли, тахминан икки ҳафтадан сўнг, Скотт [Бессент] ва Говард [Латник] хат юборишни бошлайди деб ўйлайман," - деди Трамп Абу-Дабидаги ишбилармонлик учрашувида.
Сиёсатчининг айтишича, АҚШ адолатли бўлиб, Америка бозорига кириш учун қанча тўлаш кераклигини маълум қилади.
Аввалроқ жорий этилган божлар бўйича 90 кунлик муҳлат мамлакатларга музокаралар олиб бориш учун берилган эди. Трамп таъкидлаганидек, келишувлар тузиш суръати етарли эмас, шу боис АҚШ билан битимлар имзоламаган мамлакатларга нисбатан стандарт божлар (50 фоизгача) қўлланилади.
Ўзбекистонликларнинг доллар харидидаги рекорди янгиланди
Ҳиндистон АҚШ босими остида Россия нефтини харид қилишни тўхтатмоқда
Трамп Путин билан учрашув санасини эълон қилди
