АҚШ президенти Дональд Трамп Эронни АҚШ Конгрессига бўлиб ўтадиган оралиқ сайловлар арафасида нефть нархларини оширишга уринаётганликда айблади.
Трамп бу ҳақда Truth Social ижтимоий тармоғида ёзди.
«Эрон АҚШ Конгрессига бўлиб ўтадиган оралиқ сайловлар арафасида нефть нархларини ошириш учун қўлидан келган барча ишни қилмоқда. Эронликлар ҳатто сохта ҳужумлар, миналар ҳақидаги хабарлар ва бошқа турли уйдирмаларни тарқатмоқда. Ваҳоланки, ҳозирда Ҳурмуз бўғози орқали можаро бошланишидан олдинги даврга нисбатан ҳам кўпроқ нефть ташилмоқда», — деб ёзган Трамп.
Шунингдек, Трамп Эрон ҳукуматини намойишчиларни ўлдиришда давом этаётганликда айблади. Унинг таъкидлашича, сўнгги етти ой давомида намойишларда 75 минг киши ҳалок бўлган.
Трамп халқаро ҳамжамият ва АҚШ Демократик партияси Эронда содир бўлаётган воқеаларга етарлича эътибор қаратмаётганидан норозилигини билдирди.
«Эрон ҳеч қачон ядровий қуролга эга бўлмаслиги керак ва ҳеч қачон бундай қуролга эга бўлмайди», — дея таъкидлади у.
Биз Ғазо сектори ва Ливан қишлоқларини вайрон қиляпмиз, бутун дунё эса бизга қойил қолмоқда
Биргина сурат махфий режани тасодифан ошкор қилди. 5 кун ичида нималар бўлди?
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
