Трамп: "Ядровий давлатлар билан яхши муносабатларни сақлаб қолиш муҳим"

АҚШ президенти Дональд Трамп ядровий давлатлар билан яхши муносабатларни сақлаб қолиш муҳимлигини айтди.

Трамп бу ҳақда якшанба куни The Daily Caller нашрига берган интервьюсида айтиб ўтди.

Хусусан, Трампдан 600 минг хитойлик талаба Америка университетларида икки йил давомида ўқишга рухсат бериш ҳақидаги қарори бунинг АҚШга фойда келтириши билан боғлиқми ёки бу унинг Пекин билан музокаралардаги тактикасининг бир элементими, деган савол берилди. Бунга жавобан АҚШ президенти Хитой раҳбари Си Цзиньпин билан "жуда яхши муносабатда" эканини таъкидлади. "Менимча, сиз мамлакат раҳбариятига уларнинг талабаларини қабул қилмаслигингизни айтишингиз уни жуда ҳақорат қилади", деди Трамп Хитойдан талабаларни қабул қилмаслик "тизимга зарар келтиради" деган фикрни билдирар экан.

Ундан, шунингдек, хитойлик талабаларга АҚШда ўқишга рухсат бериш қарорига жавобан Хитойдан қандайдир имо-ишора кутаётгани сўралган. "Йўқ, мен бунинг эвазига ҳеч нарса хоҳламайман. Биз яхши ишлаяпмиз, улар бизга миллиардлаб доллар тўлашмоқда", - дея таъкидлади Трамп. "Менимча, ёмон эмас, айниқса ядровий давлатлар билан тил топишиш яхши", - деди Трамп ва 2020 йилги АҚШ президентлик сайловларидан кейин Америка маъмурияти бошқарувида қолганида Украинадаги можаронинг олдини олган бўларди, деган ўз позициясини яна бир бор таъкидлади.