Bloomberg агентлигининг Эрон ва Хитой расмийлари баёнотларига, таяниб ёзишича, Теҳрон ҳатто уруш тугаган тақдирда ҳам бўғоз устидан назоратни юмшатишга унчалик қизиқиш билдирмаяпти. Эрон президенти Масъуд Пизишкиён унинг мамлакати Ҳўрмузда "самарали ва профессионал назорат механизмлари"ни жорий этишини маълум қилган.
Шу билан бирга, Хитой ташқи ишлар вазири Ван И Ҳўрмуз бўғози имкон қадар тезроқ очилиши кераклигини таъкидлади.
"Хитойнинг ушбу баёноти, дунёнинг икки энг йирик иқтисодиёти Трамп шу ҳафтада Си Жинпин билан учрашуви чоғида Яқин Шарқдаги можаро бўйича муштарак жиҳатларни кўрсатишга уринган бир пайтда янгради. Ваҳоланки, улар моҳиятан қарама-қарши томонларда турибди ва Хитой АҚШ ҳамда Исроилнинг ўз иттифоқчиси бўлган Эронга қарши ҳужумларини бир неча бор танқид қилган", деб ёзади агентлик.
Хитой ва АҚШ ўртасида Ҳўрмузни очиш масаласида ҳамфикрлик бордек кўринса-да, бўғоз ёпиқлигича қолмоқда. Кемаларга зарба бериш таҳдидлари туфайли ундаги ҳаракат яна буткул тўхтаб қолган.
Шу билан бирга, денгиз ҳаракатини таҳлил қилувчи Marinetraffic сайти маълумотларига кўра, сўнгги бир сутка ичида Ҳўрмуз рмуз бўғозидан бор-йўғи бешта кема ўтган.
Нурмат Отабеков хантавирус бўйича ахборот билан чиқди
Яна бир давлат Эронга махфий равишда ҳужум уюштирган
Ҳарбий қўмондонлик Путинни Россия армияси кузгача бутун Донбассни эгаллашига ишонтирди
