Вашингтонда президент Дональд Трамп антисемитизмга қарши кураш тўғрисидаги фармонни имзолаши кутилмоқда. Reuters агентлигининг хабар беришича, Оқ уй тарқатган ахборот баёнотида Трамп Америка фуқаролигига эга бўлмаган коллеж талабалари ва бошқа шахсларнинг Фаластин тарафдорлигидаги норозилик намойишларида иштирок этгани учун депорт қилинишини ваъда қилган.
Фармонга мувофиқ, АҚШ Адлия вазирлиги яҳудийларга қарши таҳдидлар, зўравонлик ва вандализм ҳолатларини аниқлаш бўйича тезкор чоралар кўради, федерал ресурслар эса 7 октябрь 2023 йилда ХАМАС Исроилга ҳужум қилганидан кейин АҚШ университет шаҳарчалари ва кўчаларда юзага келган антисемитизмга қарши курашга сафарбар қилинади.
"Биз АҚШда яшаб, жиҳод тарафдорлигидаги намойишларга қўшилган барча чет элликларни огоҳлантирамиз: 2025 йилда биз сизни топамиз ва депорт қиламиз!" – дейилади Трампнинг фармонга оид баёнотида.
Шунингдек, у "ҲАМАС тарафдорлари бўлган барча талабаларнинг визаларини бекор қилиш" ниятида эканлигини яна бир бор таъкидлади.
Бу қарорга ҳуқуқ ҳимоячилари ва ҳуқуқшунослар кескин қаршилик билдирмоқда. Улар бу чора АҚШ Конституциясининг сўз эркинлиги бўйича Биринчи Тузатишига зид эканини ва бу фармон судга тортилиши мумкинлигини билдиришган.
Фаластин тарафдорлари эса ХАМАСни эмас, балки Исроилнинг Ғазога ҳарбий ҳужумига қарши норозилик билдириш учун намойишга чиқишганини таъкидлашмоқда. Майя Берри, Араб-Америка институти раҳбари, Трампнинг бу фармони Исроилга танқидни антисемитизм билан аралаштириш хавфини туғдиришини ва сўз эркинлигига чеклов қўйиши мумкинлигини айтди.
Озод этилган исроиллик асирнинг сўзлари кўпчиликни ҳайратлантирди: "Сафингизда бўлишни истардим"
Зеленский президентликдан кетиш шартини айтди
Россия Украинани зулматга ботирди
