Украина Қуролли кучларининг Брянск вилоятига кириб бориш эҳтимоли ҳақидаги саволни Россия Мудофаа вазирлигига бериш керак.
Россия президентининг матбуот котиби Дмитрий Песков тайёрланаётган ҳужум ҳақидаги хабарларга шундай муносабат билдирди, деб унинг сўзларини ТАСС келтиради.
Песковнинг айтишича, мудофаа вазирлиги Украинадаги урушнинг бориши ҳақида кўпроқ маълумотга эга ва у бу масалани ҳарбийларга йўналтирган.
"Ҳарбийларимиз махсус ҳарбий операцияни давом эттирмоқда (Россияда Украинага қарши уруш шундай аталади - таҳр.), улар барча жанговар ҳудудларда вазиятни кузатиб бормоқда," - деди Кремль вакили.
Украина Қуролли кучларининг Брянск вилоятидаги чегарани ёриб ўтиш нияти борлигини Россия телеграм-каналлари маълум қилди. Шу билан бирга, "ҳарбий мухбир" Александр Сладков бу маълумот ҳақиқатга тўғри келмаслигини таъкидлади.
Озод этилган исроиллик асирнинг сўзлари кўпчиликни ҳайратлантирди: "Сафингизда бўлишни истардим"
Сув остида кўрилган энг улкан тирик мавжудот: У 34 метр узунликда ва Наполеон давридан бери яшаб келмоқда
Америкаликлар Зеленскийга бир соат вақт берди
