Маск Зеленскийни ағдариб ташламоқчи

АҚШ президенти Дональд Трампнинг катта маслаҳатчиси Илон Маск Украина президенти Владимир Зеленскийни сайлов ўтказишга чақирди. Миллиардернинг аниқлик киритишича, Зеленский овоз бермаса, у «Украина халқи иродасини ифодалайди» деб даъво қила олмайди.

«Зеленский матбуот эркинлигини тикламагунча ва сайловларни бекор қилмагунча халқ вакили бўла олмайди!»

Маскнинг изоҳи Трампнинг сайловолди гуруҳининг Украинадаги вазиятни АҚШнинг ўтмишдаги ҳарбий можаролари билан таққослаган баёнотига жавобан келди.

«Биз фуқаролар уруши ва Иккинчи жаҳон уруши даврида сайловларни ўтказдик. Зеленский Америка президентига маъруза ўқишдан олдин ҳам шундай қилиши керак», — дейилади баёнотда.

Трампнинг ўзи Зеленскийни «сайловсиз диктатор» деб атаган ва агар у чора кўрмаса, Украина «мамлакатсиз қолиши» мумкинлигидан огоҳлантирган. Трамп, шунингдек, Россия билан тинчлик келишувига эришишга фақат ўзи ва унинг маъмурияти қодир эканини айтди.

Шу билан бирга, ҳақиқат ва фактлар Маск ва Трампнинг даъволарига зиддир. Зеленскийнинг маъқуллаш рейтинги юқорилигича қолмоқда – Киев социология мактаби маълумотларига кўра, президентни украиналикларнинг 57 фоиздан ортиғи қўллаб-қувватлайди. Шу билан бирга, Доналд Трампнинг рейтинги 44 фоизга тушиб кетди.

Маск аввалроқ Трампнинг позициясини қўллаб-қувватлаган эди. 18 февраль куни у Зеленскийни тинчлик ўрнига «пул ва ҳокимият» излаётганликда айблади.

Маск уруш бошида минглаб Старлинк терминалларини совға қилиш орқали Украинани қўллаб-қувватлаган бўлсада, унинг позицияси ўзгарди. У Американинг Киевга берган ёрдамини танқид қилиб, уни назоратсиз ва самарасиз деб атади ва Қрим ҳақида россияпараст ривоятларни тарқатди.

Ноябрь ойида Маск кутилмаганда Трамп ва Зеленский ўртасидаги телефон қўнғироғига қўшилди ва у чоғида Украина раҳбари Старлинкни қўллаб-қувватлагани учун унга миннатдорчилик билдирди.

Айни пайтда Америка ва Россия музокарачилари Саудия Арабистонида учрашиб, урушни Украина иштирокисиз тугатиш масаласини муҳокама қилишди. Зеленский музокараларни қоралаб, улар Киевнинг орқасида ўтаётганини айтди. Европа расмийлари ҳам жараёндан четлаштирилди.