АҚШ президенти Дональд Трамп махсус элчи Стив Виткофф ва бизнесмен Жаред Кушнернинг Покистонга режалаштирилган ташрифини бекор қилди. Улар Эрон расмийлари билан учрашув ўтказиш учун йўл олишлари кутилган эди.
Бу ҳақда Трамп Fox News телеканалига берган интервьюсида маълум қилди.
“Мен уларга: ‘Сизлар у ерга 18 соат учиб бормайсизлар. Бизда барча карталар қўлда. Улар хоҳлаган вақтда бизга қўнғироқ қилишлари мумкин, лекин 18 соат учиб бориб у ерда ўтириб музокара қилишнинг ҳожати йўқ’, дедим”, — деди Трамп.
Шу билан бирга, хабарларга кўра, Эрон ташқи ишлар вазири Аббос Арақчи 26 апрель куни Покистонга ташриф буюрган ва расмийлар билан учрашувлар ўтказган. Аввалроқ оммавий ахборот воситалари АҚШ ва Эрон ўртасидаги музокаралар 27 апрель куни бўлиб ўтиши мумкинлигини маълум қилган эди.
Маълумотларга кўра, томонлар аввалги музокараларда Ҳормуз бўғози ва Эроннинг ядровий дастури бўйича келишувга эриша олмаган. Ташриф бекор қилиниши Вашингтоннинг музокаралар стратегиясида ўзгариш бўлганини кўрсатмоқда.
Кореяда вафот этган ўзбекистонлик қиз ҳақида расмий баёнот берилди
Эрон Исроил билан алоқа қилганлиги учун юқори лавозимли амалдорни қатл қилди
Абдуқодир Ҳусанов «Бернли»га қарши қандай ўйнади? (видео)
