Трамп ва Уайт Оқ уйда UFC турнирини ўтказишмоқчи

Тадбир АҚШ мустақиллигининг 250 йиллигини нишонлаш доирасида ўтказилиши режалаштирилган.

Fox News телеканали Дональд Трамп сўзларидан қуйидагича иқтибос келтирди:

"Ҳар бир миллий боғимизда, ҳар бир тарихий масканда мустақилликнинг 250 йиллигини нишонлаш учун махсус тадбирлар бўлади. Менимча, бизда UFC жанглари ўтказилади. Бу ерда UFC'ни томоша қиладиганлар борми? Биз турнирни Оқ уй майдонларида ташкил қиламиз.

Тасаввур қилиб кўринг! У ерда жуда кўп жой бор. Бу чемпионлик жанги, тўлақонли жанг бўлади ва уни кўриш учун 20-25 минг киши келади", деди Трамп.