Бугун 12 июль, 2025 йил, шанба

O'ZB

Трамп ўзининг собиқ ёрдамчиси Кеш Пателни ФҚБ раҳбари этиб сайлади

A A A
Трамп ўзининг собиқ ёрдамчиси Кеш Пателни ФҚБ раҳбари этиб сайлади

Пател Трампнинг биринчи муддатида мудофаа вазирининг штаб бошлиғи бўлган ва унинг содиқ тарафдори.

«Кэш - бу ажойиб ҳуқуқшунос, терговчи ва America First чемпиони, у ўз фаолиятини коррупцияни фош қилиш, адолат ва Америка халқини ҳимоя қилишга бағишлаган», - деб ёзган Трамп Truth Social аккаунтида.

Пател аввалроқ ФҚБ ваколатларини чеклашга ва Трампнинг кун тартибини қўллаб-қувватлашдан бош тортган ходимларни ишдан бўшатишга чақирган, деб ёзади Reuters.

Агар сенаторлар унинг номзодини маъқулласа, Пател Трамп 2017 йилда 10 йиллик муддатга тайинлаган Кристофер Рейнинг ўрнига ФҚБ директори лавозимини эгаллайди. Пателга жой очиш учун Рей истеъфога чиқиши ёки Трамп томонидан ишдан бўшатилиши керак.

Федерал қидирув бюроси Трампнинг махфий ёзувлар билан ишлаши бўйича федерал тергов олиб боришга ёрдам берганида (иш тўхтатилди) Рей АҚШнинг сайланган президентига ёқмай қолди.

Ҳиндистонлик муҳожирларнинг ўғли, 44 ёшли Пател собиқ адвокат ва федерал прокурор бўлиб, 2017 йилда Вакиллар палатаси разведка қўмитасининг катта маслаҳатчиси бўлганидан кейин Трамп эътиборига тушган. Трамп уни 2019 йилда миллий хавфсизлик бўйича маслаҳатчи лавозимига ишга олди, бир йилдан сўнг эса Пентагон раҳбари штаб бошлиғи этиб тайинланди.

Киритилди: 07:13 01.12.2024. Ўқилди: 1026 марта. Фикрлар сони: 0 та.
telegram channel

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!