АҚШ президенти Доналд Трамп The Atlantic нашри бош муҳаррири Жеффри Голдбергга берган интервьюсида Россиянинг ҳаракатларига қараб, Украинага катта ёрдам кўрсатиши мумкинлигини билдирди.
28 апрелда эълон қилинган интервьюнинг бир қисми Трампнинг можаро атрофидаги вазиятга берган баҳосига бағишланган. Журналист эслатишича, 24 апрелга ўтар кечаси Россиянинг Киевга уюштирган ҳужумларидан сўнг Трамп Россия президенти Владимир Путинни жанговар ҳаракатларни тўхтатишга чақирган.
Трамп охир-оқибат "Зеленский томонида" туриши мумкинми, деган саволга "Айнан Зеленский томонида эмас, лекин Украина томонида туриш мумкин, ҳа," дея жавоб қайтарди.
Шу билан бирга, Трамп Украина президенти билан "қийинчиликларга дуч келганини" таъкидлади. Хусусан, у март ойида Овал кабинетда юз берган оммавий воқеани тилга олди.
"У фақат жим туриши керак эди, тушунаяпсизми? У ўз мақсадига эришди," деди Трамп.
Трамп интервьюда Украина тез орада "парчаланиши" мумкинлигини, ўзи эса уни қутқаришга уринаётганини таъкидлади.
"Мен бу мамлакатни қутқаряпман деб ўйлайман. Ўйлайманки, у тез орада тор-мор қилинади... Келинг, ҳақиқатга тик қарайлик," деб айтган Трамп.
Трамп ўзининг биринчи президентлик муддати давомида Киев мудофаасида муҳим роль ўйнаган Javelin ракета комплексларини Украинага топширганини эслатди.
Хитойликлар оролни эгаллади ва тарк этди
Россия тез орада ғурурдан портлаб кетади
Россия Ҳиндистон ва Покистонга мурожаат қилди
