АҚШ президенти Дональд Трамп Украинанинг Starlink сунъий йўлдош алоқа тизимининг ҳарбий версияси — Starshield’дан фойдаланиш имконияти тикланганини маълум қилди.
Трамп бу ҳақда Оқ уйда журналистлар билан суҳбатда айтиб ўтди.
Шу билан бирга, у ушбу масала бўйича бирор кишига қўнғироқ қилган-қилмаганига аниқлик киритишдан бош тортган. Аввалроқ The Wall Street Journal (WSJ) нашри АҚШ президенти SpaceX раҳбари Илон Маскка қўнғироқ қилиб, чекловларни олиб ташлашни топширгани ҳақида хабар берган эди.
«Қўнғироқни мен қилдимми ёки бошқа бирор киши қилдими — бунинг аҳамияти йўқ. Охир-оқибат, фойдаланиш имконияти тикланди», — деди Трамп.
WSJ, шунингдек, Маскнинг ўзи Starshield тизими ишига чеклов қўйишни шахсан буюргани ҳақида ёзган эди. Бироқ Маск ўзининг бу қарорга алоқадорлигини рад этган ва тизим тезлиги ҳамда ундан фойдаланиш бўйича қарорларни АҚШ ҳукумати қабул қилишини таъкидлаган.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Биргина сурат махфий режани тасодифан ошкор қилди. 5 кун ичида нималар бўлди?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
