Трамп: "Украинадаги уруш шу ҳафта тугашига ишонаман"

АҚШ президенти Дональд Трамп Россиянинг Украинага қарши урушида шу ҳафтада ўт очишни тўхтатиш келишуви ўрнатилишини кутаётганини айтди.

Бу ҳақда у Fox News телеканалига берган интервьюсида маълум қилган.

"Мен бу содир бўлишини хоҳлайман ва кейинги ҳафта эмас, балки шу ҳафта амалга оширилишини хоҳлайман, шунинг учун биз иккинчи учрашувни ташкил қилишимиз мумкин", деди у.

Америка раҳбари, шунингдек, Россия президенти Владимир Путин билан музокаралари натижалари салбий бўлса, можарони ҳал қилиш бўйича воситачилик уринишларидан воз кечишини таъкидлади.