Трамп турк товарларига 15 фоизлик тарифларни эълон қилди

АҚШ президенти Дональд Трамп Туркиядан олиб келинадиган товарларга 15 фоизлик бож жорий этишни тасдиқлади.

Бу ҳақда Оқ уй сайти хабар берди.

АҚШ тарифларни қўллаган давлатлар қаторига Япония, Индонезия, Буюк Британия, Афғонистон, Жазоир, Бразилия, Исландия, Покистон, Сурия, Исроил, Ироқ, Қозоғистон, Молдова, Норвегия, Янги Зеландия, Сербия, Швейцария, Венесуэла, Вьетнам, Ҳиндистон ва бошқа давлатлар киради.

Ҳужжатга кўра, базавий ставка 10%, максимал эса 41.

Шу билан бирга, Reuters АҚШнинг юқори мартабали мулозимига иқтибос келтирган ҳолда, агар АҚШ бирор давлат билан савдо балансида профицитга эга бўлса, унга нисбатан ставка 10 фоизни, камомад кам бўлган мамлакатлар учун бож ставкаси 15 фоизни ташкил этишини айтди.

Бироқ, бошқа ставкалар Канада, Бразилия ва Ҳиндистонни ўз ичига олган айрим мамлакатлар учун амал қилади. Шундай қилиб, агар ҳужжатда Бразилия учун 10% божлар белгиланган бўлса, бу шунчаки "ўзаро ставка" деб аталади.

"Ўзаро ставкалар [аввал киритилганларга] қўшилади. Очиғи, улар у ерда ҳуқуқий ва техник сабабларга кўра тилга олинади, чунки IEEPA регламентида (1977 йилда АҚШда қабул қилинган Фавқулодда иқтисодий ваколатлар тўғрисидаги халқаро қонун – таҳр.) Бразилия учун тарифлар 40 фоизни ташкил этган эди, ҳозирги ставка эса Бразилия учун 10 фоизга кўтарилган - 50 фоиз" - деди расмий.