Трамп Россия билан ҳамкорлик қилаётган Хитойга қарши санкцияларни истисно қилмади

АҚШ президенти Дональд Трамп Россия нефти туфайли Хитойга қарши иккиламчи санкциялар жорий этиш имкониятини истисно қилмади.

Америка етакчисининг нутқи Оқ уй сайтида трансляция қилинди.

"Биз буни Ҳиндистон билан қилдик, эҳтимол биз буни яна бир нечта давлатлар билан қиламиз, улардан бири Хитой бўлиши мумкин" - деди Трамп Овал кабинетда бу борадаги саволга жавоб бериб.

Чоршанба куни АҚШ Россиядан нефтнинг "тўғридан-тўғри ёки билвосита" импорти туфайли Ҳиндистондан импорт қилинадиган товарларга қўшимча 25 фоизлик бож киритди ва Дональд Трамп тегишли фармонни имзолади.