Дональд Трампнинг машҳурлиги қатор баҳсли фармонлардан сўнг пасаймоқда. Reuters/Ipsos томонидан ўтказилган сўнгги сўровга кўра, унинг рейтинги 47% дан 45% га тушган, уни қўллаб-қувватламайдиганлар улуши эса 39% дан 46% га ошган.
📊 Энг катта норозилик қуйидаги қарорлар билан боғлиқ:
Мексика қўлтиғини «Америка қўлтиғи» деб қайта номлаш — бу ташаббусга 70% америкаликлар қарши чиқди.
«Тупроқ ҳуқуқи»ни бекор қилиш уринишлари (АҚШда туғилган болаларга, уларнинг ота-онаси ноқонуний муҳожир бўлса ҳам, фуқаролик бериш) — 59% респондент бу қарорни қўллаб-қувватламади.
Америкаликлар федерал идоралар таркибидаги хилма-хиллик ва инклюзивлик (DEI) бўлимларини ёпиш қарорини ҳам баҳсли қабул қилди: 51% қарши, 44% эса маъқуллади. Сиёсий бўлиниш Трампнинг иттифоқчиси Илон Маскга муносабатда ҳам сезилди: республикачиларнинг 75% уни ижобий баҳоласа, демократларнинг 90% салбий фикр билдирди.
Унинг миграция сиёсатини 48% қўллаб-қувватлайди, 41% эса қарши.
Федерал хизматчиларни ёллашни музлатиб қўйиш қарорини америкаликларнинг 49% маъқуллади, жумладан 43% демократлар ҳам.
Ушбу онлайн сўров 24–26 январь кунлари 1034 нафар америкалик иштирокида ўтказилган. Натижаларнинг хатоси тахминан 4 фоиз пунктни ташкил қилади.
Зеленский президентликдан кетиш шартини айтди
"Ўқишга кетяпман деб ўйлагандим..."
Мексикадаги қирғоқлардан бирида ноёб “қиёмат балиқлари” топилди
