Трамп: Миллионлаб одамлар уч киши туфайли ҳалок бўлди: биринчиси Путин, иккинчиси...

"Украинада урушнинг бошланишига Путин, Байден ва Зеленский айбдор".

Қўшма Штатлар етакчиси бундай фикрни 14 апрел куни Оқ уйда Салвадор президенти Найиб Букеле билан учрашувда айтиб ўтди.

Доналд Трампнинг бошқа баёнотлари:

◾️ Миллионлаб одамлар уч киши туфайли ҳалок бўлди: биринчиси Путин, иккинчиси нима бўлаётганини умуман тушунмаган Байден, учинчиси эса Зеленский;

◾️ Агар Байден ва Зеленский сиёсий қобилиятга эга бўлганида эди, улар урушнинг бошланишига йўл қўйишмаган бўларди. Байден урушни тўхтатиши мумкин эди, Зеленский ҳам уни тўхтата оларди, Путин эса буни ҳеч қачон бошламаслиги керак эди;

◾️ Урушни бошлаганингизда, сиз ғалаба қозонишингиз мумкинлигини билишингиз керак. Сиз ўзингиздан 20 баробар катта одам билан уруш бошламайсиз ва кейин бошқалар сизга ракеталар беради деб умид қилмайсиз;

◾️ Яқин орада Украинадаги келишув бўйича “жуда яхши таклифлар” кутаяпман, биз Украина ва Россия муаммосини ҳал қиламиз;

◾️ Мен Путинга ўт очишни тўхтатиши учун муддат белгилаб бердим;

◾️ Сумига қилинган ҳужум сабабли Россияга қарши янги санкциялар қўлламайман. Мен аллақачон Россияга қарши санкциялар жорий қилганман. “Шимолий оқим” газ қувурини эсланг. Бу йирик лойиҳани мен тўхтатганман. Байден эса, аксинча, бу лойиҳани маъқуллаган.