Миллиардер Илон Маск яқин ҳафталар ичида сиёсий фаолиятини камайтиради ва ўз бизнесини бошқаришга қайтади. АҚШ президенти Доналд Трамп бу ҳақда яқин атрофидагиларга маълум қилганини Politico нашри ёзмоқда.
Нашр манбалари президент ҳали ҳам Маск ва унинг фаолиятидан мамнунлигини таъкидлашмоқда. Маъмуриятнинг юқори лавозимли амалдори, эҳтимол, миллиардер Оқ уйда вақти-вақти билан пайдо бўлиб турадиган норасмий маслаҳатчи ролини сақлаб қолишига ишонч билдирмоқда.
Politico суҳбатдошлари Маскнинг сиёсий ишлардан четлашиши май ойининг охири ёки июнь ойининг бошларида, унинг эълон қилинган иш муддати тугагач содир бўлишини кутишмоқда.
Кеча Трамп миллиардер Илон Маск раҳбарлик қилаётган Қўшма Штатлар ҳукумати самарадорлиги департаменти (DOGE) "маълум бир пайтда" ўз фаолиятини тўхтатишини маълум қилди.
"Мен уни иложи борича узоқроқ ушлаб турардим. У жуда истеъдодли йигит, биласизми, мен жуда ақлли одамларни яхши кўраман, у эса жуда ақлли ва яхши иш қилди," - деди АҚШ президенти Маск ҳақида ва қўшимча қилди: "У катта компанияни бошқариши керак ва қачондир у яна қайтиб келади."
Оилаларга 75 000 000 сўмгача фоизсиз қарз берилади
1 майдан 500 кВт⋅соатгача бўлган янги миқдор жорий қилинди
Эрон олтита давлатни огоҳлантирди
