Россия Федерацияси президентининг матбуот котиби Дмитрий Песков Чеченистондаги шаҳар майдонида 17 ёшли ўсмирнинг жасади намойиш этилгани воқеасини шарҳлашдан бош тортди.
Эслатиб ўтамиз, 7 апрель куни ёш йигит Ачхой-Мартан шаҳрида ЙПХ ходимларига ҳужум қилган эди. Икки полициячи жароҳат олган, улардан бири кейинчалик вафот этган. 9 апрель куни Телеграм-каналлар шаҳар майдонида республика раҳбари Рамзан Қодировнинг портрети остида ётган ўсмир жасади тасвирланган видеони кўрсатди.
"Биз мухолифат каналлари тарқатаётган ахборотга асосланишни мутлақо истамаймиз. Бу манбаларни ишончга лойиқ деб ҳисобламаймиз. Бошқа маълумотга эга эмасмиз," - деди Песков конферентс-чақирув пайтида РБК журналистининг саволига жавоб берар экан.
Нашриёт журналисти матбуот котибига саволида бир кун олдин Чеченистоннинг Нийсо номли Телеграм-канали тарқатган видео ҳақида маълумот берди. Видеода маъмурият биноси ёнидаги асфальтда ётган ўсмир жасади атрофида ўнлаб одамлар турганини кўриш мумкин. Бинода республика раҳбари Рамзан Қодировнинг тасвири ва "Ахмат - куч" деган ёзув бор. Кадр ортида аёлнинг йиғиси эшитилади. Канал маълумотларига кўра, намойишдан сўнг жасад асфальт устида қолдирилган.
Роналдунинг ўзи ва оиласи хавф остида!
Хитойда 50 кг.дан енгилроқ одамларга кўчага чиқмаслик тавсия қилинди. Нега?
Тайванлик овчи қарийб 90 минг долларлик балиқ тутди
