АҚШ президенти Доналд Трамп душдаги сув босимини чекловчи қарорни бекор қилиш тўғрисидаги фармонни имзолади. Бу чора-тадбирлар аввалги маъмуриятлар даврида жорий этилган эди, дея хабар бермоқда Politico.
Oval кабинетда фармонни имзолаш пайтида Трамп амалдаги меъёрлар туфайли сочини ҳўллаш учун душ остида 15 дақиқа туришга мажбур бўлаётганини айтди. Оқ уй раҳбари шампунни ювиб ташлаш учун ҳам кўп вақт сарфлаётганини таъкидлади. Бу эса президентнинг сочларини тегишли тарзда парвариш қилишига тўсқинлик қилмоқда.
"Сочларим ҳўл бўлгунча душ остида 15 дақиқа туришимга тўғри келади. Улардан томчи-томчи сув оқади, холос. Бу кулгили ҳолат," - деди Америка раҳбари.
Оммавий чиқишларида Трамп сув босимининг пастлиги туфайли сочларини ювишда қийинчиликларга дуч келаётганидан бир неча бор шикоят қилиб, соч турмагини мукаммал ҳолатда сақлаб қолишни истаётганини таъкидлаган эди.
АҚШда сув сарфи юқори бўлган душ каллаги (сув пуркагич)ларидан фойдаланишни тақиқловчи чекловлар амал қилади. Фақат бир дақиқада 2,5 галлон (тахминан 11 литр) гача сув сарфлайдиган моделларга рухсат берилган.
“Тез орада Худонинг ёрдами билан — бу бутун Исроил юрти бўлади”
Рубл дунёнинг барча валюталарини ортда қолдирди
Ван Дамм Путинга мурожаат қилди
