Bloomberg агентлиги манбаларига кўра, Вашингтонда “уруш харажатларини қандай қоплаш” масаласи кўтарилган. Чунки ҳарбий амалиёт учун қўшимча маблағ ажратиш пакетининг Конгрессда маъқулланиши амалда боши берк кўчага кириб қолган.
Блоомберг суҳбатдошлари АҚШ ва Эрон ўртасидаги можаро Трамп кутганидан бошқача ривожланаётганини ҳам таъкидлаган. Ҳарбий ҳаракатлар чўзилиб, харажатлар ортиб бораётган бир пайтда АҚШ маъмурияти урушни қандай давом эттириш ва унинг харажатларини қаердан қоплаш масаласига дуч келган.
АҚШ уруш вазири Пит Ҳегсет аввалроқ Сенатдаги эшитувда Эронга қарши ҳарбий амалиёт харажатлари қарийб 37,5 миллиард долларга етганини маълум қилган.
Пентагон ҳисоб-китобига жорий харажатлар билан бирга 30 сентябргача кутилаётган сарфлар ҳам киритилган. Ҳегсет қўшимча маблағ ажратилмаса, ҳарбий тайёргарлик, техникага хизмат кўрсатиш ва мудофаа қобилиятини ривожлантиришга мўлжалланган бошқа дастурлар қисқартирилиши мумкинлигини билдирган.
Оқ уй Конгрессдан Эрондаги уруш билан боғлиқ харажатларни қоплаш учун қарийб 90 миллиард долларлик қўшимча маблағ сўраган. Бироқ сенаторлар орасида урушнинг мақсади, давомийлиги, ҳуқуқий асослари ва маблағларнинг қандай сарфланиши бўйича саволларга жавоб изламоқда.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
