Трамп маъмурияти “АҚШ фуқароларини ноқонуний ушлаб турган мамлакатлар” рўйхатини жорий қилмоқчи

Бу ҳақда CBS News хабар бермоқда.

Телеканал маълумотига кўра, бу тизим “терроризмни қўллаб-қувватловчи давлатлар” рўйхатига ўхшаш тарзда ишлайди. АҚШ Давлат департаменти америкаликларни босим воситаси сифатида ноқонуний ушлаб тураётган мамлакатларга қарши чоралар кўриш имкониятига эга бўлади.

Ҳозирда Давлат департаменти америкаликларнинг хорижга сафарлари учун тўрт даражадаги хавф мезонини белгилаган. Россия энг хавфли — тўртинчи даражага (“саёҳат қилмаслик”) киритилган.

Мазкур рўйхатда Эрон, Афғонистон, Венесуэла ва Шимолий Корея каби яна 20 мамлакат бор.