Трамп Европани шамол турбиналаридан воз кечишга чақирди

АҚШ президенти Дональд Трамп шамол энергетикасини яна бир бор танқид қилиб, Европа шамол турбиналаридан воз кечиши кераклигини айтди.

У бу ҳақда Глазгога етиб борганидан сўнг журналистларга маълум қилди.

Унинг сўзларига кўра, шамол турбиналари “чиройли далалар ва водийларни вайрон қилади ва қушларни ўлдиради”. "Сиз ўз мамлакатларингизни вайрон қиляпсиз", деб қўшимча қилди Трамп.

Трамп бир неча бор шамол энергиясига қарши чиққан. У аввалроқ Trump Organisation объектлари яқинида шамол турбиналарини кўришни истамаслигини айтган эди. Айтганча, Трампнинг активлари унинг фарзандлари томонидан бошқариладиган компанияси аввалроқ Шотландия ҳукуматига қарши Абердинширдаги гольф клуби яқинида шамол электр станцияси қуриш бўйича судда ютқазган эди. Даъвога кўра, турбиналар ўйинчиларнинг кўринишини бузади. Шотландияга ташрифи чоғида Трамп 13 август куни очилиши арафасида Абердинширдаги ушбу гольф клубига, шунингдек, унинг оиласига тегишли бўлган Тернберри яқинидаги яна бир гольф клубига ташриф буюришни режалаштирмоқда.