Трамп Эронга янги ультраматум эълон қилди

АҚШ президенти Дональд Трамп Вашингтон Эрон билан келишув тузиш ёки Ислом Республикасига қарши ҳарбий ҳаракатларни давом эттириш ўртасида танлов қилиши кераклигини маълум қилди.

«Мен бир қарорга келишим керак: уларни бутунлай тугатиш керакми — бу жуда осон бўлар эди — ёки келишув тузиш керакми? Бор-йўғи шу», — деди Трамп Fox News телеканалининг Sunday Morning Futures дастурига берган ва 25 октябрь куни эълон қилинган интервьюсида.

Америка етакчисининг сўзларига кўра, АҚШ урушда салмоқли натижаларга эришди ҳамда Эроннинг ҳарбий ва иқтисодий салоҳиятини жиддий равишда заифлаштирди. Трамп, шунингдек, Вашингтон Ормуз бўғизи устидан пўлатдай тўлиқ назорат ўрнатганини таъкидлади.

«Ёдда тутинг, энди Хурмуз бўғизини биз назорат қиляпмиз. Улар ҳеч нарса олишмаяпти, биз эса ҳамма нарсага эга бўляпмиз», — деди АҚШ президенти ва Америка ҳарбий-деңиз кучларининг Эрон портларини блокада қилиш бўйича ҳаракатларини фавқулодда самарали деб атади.

Трамп, шунингдек, Хурмуз бўғизи орқали нефть ташиш ҳажми урушдан олдинги даражадан ошиж кетганини таъкидлади. Можаро шароитида берилган ушбу баёнот юзасидан мустақил тасдиқловчи маълумотлар келтирилмаган.

Вашингтон томонидан янграётган таҳдидлар фонида Теҳрон дипломатик муросага тайёрлигини билдиришда давом этмоқда. Эроннинг Покистондаги элчиси Ризо Амири Моғаддам 24 октябрь куни маълум қилишича, Теҳрон Исломобод орқали АҚШ денгиз блокадасини бекор қилиши эвазига Хурмуз бўғизини очиш таклифини етказган. Унинг сўзларига кўра, Вашингтон бу шартга рози бўлмаган ва блокадани давом эттиришни талаб қилмоқда.

Аввалроқ Покистон ва Қатар конфликтни тўхтатиш ҳамда Эрон ядро дастурига дахлдор кенгроқ келишувни тайёрлаш бўйича музокараларда воситачи сифатида чиқиш қилган эди. Шу билан бирга, томонларнинг муаммони ҳал этиш шартлари бўйича позициялари бир-биридан кескин фарқ қилмоқда.

26 октябрь куни Саудия Арабистони, Покистон ва Туркия вакиллари Теҳронда Эрон расмийлари билан учрашди. Музокаралар минтақадаги тарангликни камайтириш ва инқироздан дипломатик чиқиш йўлларини излашга қаратилган. Қатар ҳам Теҳронга ўз воситачиларини юборган.

Шу тариқа, Трампнинг ҳарбий ҳаракатларни давом эттириш эҳтимоли ҳақидаги баёнотлари минтақа мамлакатларининг Вашингтон ва Теҳрон ўртасидаги музокараларни қайта тиклашга бўлган уринишлари фонида янгради.