Маҳаллий вақт билан соат 10:00 да Исроилдаги парламент сайловларида сайловчиларнинг 16,68 фоизи — 1,2 миллиондан ортиқ киши иштирок этди. Бу мамлакатда сўнгги 45 йил ичида қайд этилган энг юқори кўрсаткичдир.
Исроил Марказий сайлов комиссия маълумотларига кўра, «Едиот Ахронот» газетасига иқтибос келтирган ҳолда хабар беришича, сайловчилар фаоллигининг юқорилиги бир қатор омиллар билан изоҳланмоқда.
Мутахассисларнинг фикрича, бунга 2023 йил 7 октябрда ҲАМАС гуруҳи Исроилга ҳужум қилганидан буён мамлакатда илк бор парламент сайловлари ўтказилаётгани сабаб бўлмоқда. Таҳлилчилар таъкидлашича, кўплаб сайловчилар ушбу сайловларни ҳужум вақтида ва ундан кейин ҳукумат олиб борган сиёсатга нисбатан ўз муносабатини билдириш имконияти сифатида кўрмоқда.
Исроилнинг бир палатали парламентидаги 120 та ўрин учун 36 та партиядан номзодлар кураш олиб бормоқда. Мамлакатда жами 7,3 миллион киши овоз бериш ҳуқуқига эга.
Сайлов участкалари маҳаллий вақт билан соат 22:00 да ёпилади. Айни шу вақтда мамлакат телеканаллари экзитпол натижаларини эълон қила бошлайди.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
