Ироқнинг Синжар ҳудудида Курдистон ишчилар партиясининг (РКК) бўлинмаси деб ҳисобланадиган YBŞ назорати остидаги позицияларни Ироқ хавфсизлик кучларига топшириш жараёни бошланди.
Туркиянинг Milliyet газетаси хабар беришича, кўп йиллардан сўнг ушбу ҳудудда Ироқ байроғи яна кўтарилди. Бу тарихий лаҳзалар аллақачон тасвирга муҳрланган.
РКК/YBŞ таркибидаги минглаб қуролланган шахсларни расмий хавфсизлик тузилмаларига интеграция қилиш доирасида Синжар тоғининг энг баланд нуқтаси ҳисобланган Челмера чўққисида махсус маросим бўлиб ўтди.
Тадбирда Мосул губернатори Абдулқодир Дахил, шунингдек, Ироқ ҳукумати ва YBŞ вакиллари иштирок этди.
Ироқ бош вазирининг ҳарбий масалалар бўйича вакили Сабоҳ ан-Нуманнинг таъкидлашича, ушбу қадам Синжар ҳудудида хавфсизликни таъминлашнинг янги босқичини бошлаб беради. У мамлакат Конституцияси расмий қуролли кучлардан ташқарида ҳар қандай қуролланган тузилмаларни ташкил этишни тақиқлашини таъкидлади.
Ироқ хавфсизлик масалаларини ёритиш тармоғи раҳбари, генерал Саад Маан YBŞ аъзолари қайси хавфсизлик тузилмаларига қўшилиши ҳақидаги саволга жавоб берар экан, улар Ички ишлар вазирлиги ҳамда «Ҳашд аш-Шаъбий» кучлари таркибига киритилишини маълум қилди.
Мааннинг қўшимча қилишича, YBŞнинг 4 минг нафар жангарисини расмий куч тузилмаларига интеграция қилиш режалаштирилган. Уларнинг орасида аёллар ҳам бор.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
