АҚШ президенти Дональд Трамп Эрон бўйича янгиланган келишув тафсилотлари бугун унинг юқори лавозимли маслаҳатчилари билан муҳокама қилинишини маълум қилди. Унинг сўзларига кўра, якуний қарор эртага қабул қилиниши мумкин.
“Ёки биз яхши келишувга эришамиз, ёки мен уларни барбод қиламан”, деди Трамп Axios журналисти Барак Равидга берган интервьюсида.
CBS телеканалига берган интервьюсида Трамп Вашингтон ва Теҳрон келишувга “сезиларли даражада яқинлашганини” таъкидлади. Унинг айтишича, битим Эроннинг ядровий қуролга эга бўлишининг олдини олиши ва бойитилган уран “тўғри мақсадларда” ишлатилишини таъминлаши керак.
CBS манбаларига кўра, Эроннинг сўнгги таклифи Ҳўрмуз бўғозини қайта очиш, музлатилган Эрон активларининг бир қисмини озод қилиш ва музокараларни давом эттиришни ўз ичига олади.
Шунингдек, Трамп ҳали якуний қарор қабул қилмагани, у маслаҳатчилари ва Форс кўрфази давлатлари раҳбарлари билан маслаҳатлашувларни давом эттираётгани айтилмоқда.
Бугун Эрон Ташқи ишлар вазирлиги вакили Исмоил Бағайи Теҳрон ва Вашингтон ўзаро англашув меморандумини якунлашнинг сўнгги босқичида эканини билдирди. Унинг сўзларига кўра, томонлар Америка денгиз блокадасини бекор қилиш ва Эрон активларини озод қилиш масалаларини муҳокама қилмоқда.
Турклар Эрондан ҳам ёмонроқ аҳволга тушади — Исроил маданият вазири
Куба АҚШга «қонли қирғин» билан таҳдид қилди
Путин ўзини уйидагидек ҳис қилди: Хитойда янги ҳештег тарқалди
