Трамп божларни музлатганидан сўнг ​​дунёнинг 500 энг бой одамининг бойлиги 304 миллиард долларга ошди

Дональд Трамп божларни музлатганидан сўнг ​​дунёнинг 500 энг бой одамининг бойлиги 304 миллиард долларга ошди. Бу ҳақда Bloomberg нашри хабар берди.

Агентликнинг миллиардерлар индекси тарихидаги энг катта бир кунлик ўсиш кузатилди. Энг кескин ўсиш Илон Маскнинг бойлигида қайд этилди, унинг активлари бир кунда 36 миллиард долларга кўпайди. Тesla акциялари 23 фоизга ошди.

Иккинчи ўринда 26 миллиард доллар ўсиш билан Меta раҳбари Марк Цукерберг турибди. Учинчи ўриндан эса 18,5 миллиард долларлик ўсиш билан Аmazon асосчиси Жефф Безос жой олди.

Трамп 9 апрел куни божларни музлатиш ҳақида қарор қабул қилгунга қадар Теsla акциялари 2024 йил декабрдан бери пасайиб келаётган эди. Бу ҳолат, шунингдек, Маскнинг Трамп жамоасидаги сиёсий фаоллиги билан боғланганди.

The Wall Street Journal маълумотларига кўра, Маск АҚШ президентининг импорт маҳсулотларга божларни ошириш қарорига қарши чиққан ва ҳаттоки унинг савдо маслаҳатчиси билан зиддиятга борган.