АҚШ президенти Дональд Трампнинг маълум қилишича, Америка музокарачилари душанба куни Эрон билан тинчлик музокараларини ўтказиш учун Покистонга йўл олади.
Унинг сўзларига кўра, делегация Покистон пойтахти Исломободга етиб боради ва музокаралар эртаси куни кечқурун бошланиши мумкин.
Трамп Вашингтон Теҳронга “адолатли ва оқилона” келишув таклиф қилаётганини айтди. У, агар Эрон бу таклифни қабул қилмаса, мамлакатдаги электр станциялари ва кўприкларга зарба берилиши мумкинлиги билан таҳдид қилди.
Шу билан бирга, Эрон томони ҳали якуний келишувга яқин эмаслигини билдирган. Маълум қилинишича, томонлар ўртасида бир қатор жиддий келишмовчиликлар сақланиб қолмоқда.
Аввалроқ АҚШ ва Эрон ўртасида музокараларнинг биринчи босқичи ҳам Исломободда бўлиб ўтган, аммо у пайтда келишувга эришилмаган эди.
Лионель Месси Каталония клубини сотиб олди
Италия ОАВлари Макроннинг Жоржа Мелони билан учрашувдаги ҳаракатларини кескин танқид қилди
АҚШ Эронга ядровий қурол ишлаб чиқаришдан сўзсиз воз кечиш эвазига бошқа имкониятни таклиф қилмоқда
