Бу ҳақда Associated Press хабар берди.
Маълум қилинишича, президент шу тариқа Конгресс урушни маъқуллаши кераклиги борасидаги баҳсларга чек қўйишга уринмоқда. Аммо ҳозирча АҚШ кучлари минтақада қолади. Пентагон музокаралар муваффақиятсиз тугаса, зарбаларни қайта бошлашга тайёрлигини сақлаб қолмоқда.
"Трамп маъмуриятининг бу қарори Капитолийдаги тобора кучайиб бораётган қарама-қаршиликнинг олдини олишга қаратилган бўлиб, президент Эрон билан давом этаётган низо туфайли республикачиларнинг қўллаб-қувватлашидан маҳрум бўлиш хавфи остида турган эди", дея ёзади Associated Press.
Қўшма Штатларда 1973 йилда қабул қилинган “Уруш ваколатлари тўғрисидаги резолюцияга” (War Powers Resolution) мувофиқ, президент қўшинларни хорижга юбориш ва уруш бошлашдан олдин Конгресс билан келишиши шарт. Қуролли кучлардан Конгресс розилигисиз фойдаланиш муддати 60 кун билан чекланган. АҚШнинг Эрон билан уруши ҳолатида бу муддат 1 майда тугади.
Мазкур резолюцияга мувофиқ Трамп ушбу муддатдан сўнг ёки урушни тугатиши ёки ҳарбий ҳаракатларни давом эттириш учун Конгрессдан рухсат олиши керак. Бироқ айрим республикачилар уруш давом эттирилишини қўллаб-қувватламасликларини очиқ билдиришган.
Зеленский Путиннинг Ғалаба байрами муносабати билан сулҳ эълон қилиш ғоясига муносабат билдирди
Можтаба Хоманаий Путинга мактуб йўллагани маълум бўлди
Хитой аҳолиси Франция даражасида қисқариши мумкин: Иқтисодиёт хавф остида
