Трамп АҚШ Конгресси сайловлари натижаларини шубҳа остига олди

АҚШ президенти Дональд Трамп оралиқ Конгресс сайловлари натижаларининг ҳаққонийлигига шубҳа билдирди. Унда Демократик партия Конгресснинг ҳар икки палатасида кўпчилик ўринни қўлга киритган эди.

«Бу “сайловлар” адолатли ўтганига ҳақиқатан ҳам кимдир ишонадими?» — деб ёзди Трамп овоз беришдан қарийб бир ҳафта ўтиб, Truth Social ижтимоий тармоғида.

Президент социологлар прогнозлари билан сайлов натижалари ўртасидаги катта тафовутни шубҳали деб атади. Шунингдек, овоз бериш машиналари орқали натижаларга аралашилган бўлиши мумкинлигига ишора қилди. Бироқ у ўз даъволарини тасдиқловчи ҳеч қандай далил келтирмади.

Сайловлардан кўп ўтмай, Трамп республикачилар мағлубиятини тан олган, демократларни ғалаба билан табриклаган ва Конгрессда улар билан ҳамкорлик қилиш эҳтимолини билдирган эди. Кейинчалик эса президент демократларнинг ғалаба кўламини шубҳа остига қўювчи хабарларни тарқата бошлади.

Трамп аввал ҳам АҚШ сайлов тизимини, айниқса, почта орқали овоз бериш жараёнини кенг кўламли сохталаштиришларда бир неча бор айблаган.

Шунингдек, у 2020 йилги президентлик сайловларида ғалаба қозонганини даъво қилишда давом этмоқда. Бироқ ўша сайлов натижаларини ўзгартириши мумкин бўлган оммавий қоидабузарликлар ҳақида ҳозиргача ишончли далиллар тақдим этилмаган.