Трамп агар Украинада тинчлик келишувига эришилмаса, Россияга қарши санциялар жорий қилишини билдирди

Шу билан бирга, Қўшма Штатлар президенти Россия бу санкцияларни четлаб ўтиши мумкинлигини ҳам тан олди.

"Биз Россияга қарши санкциялар жорий қиламиз, лекин, Путин санкцияларга қарши ишлашда анча моҳир. У чекловларни четлаб ўта олади", — деди Доналд Трамп Newsmax телеканалига берган интервюсида.

"Путин кучли шахс, бу борадаги фикрим ўзгармаган. Бизда кўплаб яхши суҳбатлар бўлган. Унда ҳаммасини якунлаш имконияти мавжуд эди ва тўсатдан Россия Украинани яна бомбардимон қилишни бошлади", — дея қўшимча қилди АҚШ етакчиси.

Трампнинг фикрича, Путин бутун Украина ҳудуди устидан назорат ўрнатишга интилмоқда, бироқ буни амалга ошириш жудаям қийин бўлади.