Трамп 2025 йилги Клублар ўртасидаги футбол бўйича жаҳон чемпионати медали ва кубогини олиб қўйди — The Guardian

Нашр маълумотларига кўра, чемпионларни тақдирлаш маросимида АҚШ етакчиси Доналд Трамп FIFA президенти Жанни Инфантинонинг рухсати билан олтин медаллардан бирини чўнтагига солиб олган ва кубокни ўзи билан олиб кетган. Чемпионатда ғолиб бўлган “Челси” клубига эса кубогнинг нусхаси топширилган.

Трамп кубокнинг асли Қўшма Штатларда абадий қолишини ва Оқ уйда сақланишини айтган.

Маълумот учун, жорий йилда Клублар ўртасидаги жаҳон чемпионати 14 июн — 13 июл кунлари АҚШ ҳудудида бўлиб ўтди.