Тракторларда норозилик билдирган фермерлар қишлоқ хўжалиги тўғрисидаги қонун лойиҳаси кўриб чиқилаётган Франция парламентининг қуйи палатаси — Миллий ассамблеяга етиб келди.
Бу ҳақда Франция ОАВлари хабар бермоқда.
Ўнлаб тракторлар тўғридан-тўғри парламент биноси эшиги олдида жойлашган эди. Улар акцияни ташкил этаётган FNSEA ва Jeunes Agriculteurs касаба уюшмалари байроқларини кўтариб юришган.
Режага кўра, акцияга 200 га яқин киши қўшилади. Намойишчилар ёнида бир неча полиция фургонлари навбатчилик қилмоқда. Ташкилотчиларга кўра, акция шаҳар префектураси билан келишилган. Бироқ тракторларга ёпиштирилган норозилик шиорлари оқ қоғоз билан қопланган.
Фермерлар қонун лойиҳасини қўллаб-қувватламоқда, бироқ чап қанот партиялари депутатлари киритмоқчи бўлган кўплаб тузатишлар туфайли унинг муҳокамаси чўзилиб кетишидан қўрқишмоқда. Улар, ўз навбатида, қишлоқ хўжалиги фаолиятини тартибга солишни энгиллаштириш, масалан, қурғоқчилик пайтида фермерларга сув идишларини тўлдиришга рухсат бериш, атроф-муҳитга салбий таъсир кўрсатишидан қўрқишади.
Россияда якун ясалди: СССР йўқ бўлди
ХХР Данияга Россия билан ҳамкорликни тўхтатиш чақириғига "шапалоқ" билан жавоб қайтарди
Медведевнинг хаёллари
