Олий ва ўрта махсус таълим вазири Абдуқодир Тошқулов Тошкент шаҳрининг Юнусобод туманида ўлик ҳолда топилган 5 нафар талабанинг яқинларига моддий, маънавий ёрдам кўрсатилганини маълум қилди.
“Тергов-суриштирув жараёнлари ҳали якунига етмади, сабаблари тўлиқ аниқланмади. Лекин барча ректорлар жаноза тадбирларида қатнашиб, марҳумларнинг ота-оналарига моддий, маънавий ёрдам, қолаверса, психологик хизмат кўрсатиб, бутун жамоаси билан бирга бўлди. Бу нохуш ҳолатга ректорлар бефарқ эмас, қатъий назоратга олинган”, — деди вазир Олий Мажлис Қонунчилик палатасида ўтказилган “Ҳукумат соати”да.
Аввалроқ Тошкентнинг Юнусобод туманида беш нафар талаба ўлик ҳолда топилгани ҳақида хабар берилган эди. Суд тиббиёт экспертизасининг дастлабки хулосасига кўра, жабрланувчиларнинг ўлими номаълум моддадан ўткир заҳарланиш натижасида юз берган. Ҳозир жиноий иш очилган ва у Бош прокуратура томонидан назоратга олинган.
Ушбу фожиадан сўнг Ўзбекистонда махсус ишчи гуруҳлар тузилиши ва улар талабалар яшаш шароити ҳамда ҳаракатланишини ўрганиши маълум бўлган эди.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Қашқадарёда талабалар тренд видео олди ва,,,
