Олий Мажлис Қонунчилик палатаси депутати Расул Кушербаев Тошкент шаҳри Миробод туманидаги ҳарбий госпиталь ҳудудида дарахтлар қаровсиз қолаётгани тўғрисидаги мурожаатни эълон қилганди. Пойтахт Экология ва атроф-муҳитни муҳофаза қилиш бошқармаси мазкур мурожаат бўйича муносабат билдирди.
Маълум қилинишича, ушбу ҳолат Тошкент шаҳар Экология бошқармаси ходимлари томонидан ўрганилди.
Аниқланишича, ушбу ҳудуд ҳарбий госпиталга қарашли бўлиб, ҳозирда госпиталь бошқа манзилга кўчиб ўтаётгани, ҳудуднинг эгалик ҳуқуқи ўзгараётгани маълум бўлган.
Шунингдек, бошқарма ходимлари томонидан ҳудуддаги мавжуд дарахтларнинг ҳолати бўйича хатлов ўтказилиб, натижаси бўйича тегишли тартибда чоралар кўрилиши ҳамда дарахтларнинг келгусидаги парвариш қилиш масаласи юзасидан назорат таъминланиши таъкидланди.
"Ўрганиш натижалари бўйича қўшимча маълумот берилади", дейилади муносабатда.
19 май куни ёмғир ёғиши мумкин бўлган ҳудудлар эълон қилинди
Тожикистон мактаб таълимига тўсқинлик қилганлик учун жиноий жавобгарликни кучайтирди
Қодиров Эстонияга ракета ҳужумларини уюштиришга чақирмоқда
