Тошкентда хонада қулфланиб қолган болакайга ёрдам кўрсатилди

ФВВ қутқарувчилари томонидан хона ичида қулфланиб қолган болакайга амалий ёрдам кўрсатилди.

Куни кеча, Тошкент шаҳар ФВБга "112" тизими орқали, Шайхонтоҳур тумани "Ипакчилик" МФЙда жойлашган хонадонларнинг бирида яшовчи фуқаро, унинг фарзанди хона ичида қулфланиб қолганлиги ва эшикни очиб беришда амалий ёрдам зарурлиги бўйича мурожаат қилган.

Хабарга асосан, ФВБ қутқарувчилари айтилган манзилга етиб бориб, махсус анжомлар ёрдамида эшик очиб берилган ва болакай отасига соғ-саломат топширилган.