Тошкентда 21 сентябр куни юк поездининг икки вагони рельсдан чиқиб кетиб, ағдарилган ва темирйўлга ёндош иморатларнинг деворларини бузиб юборган эди. Ўзбекистон Ички ишлар вазирлиги ҳодиса юзасидан қўшимча тафсилотларни маълум қилди.
Маълум бўлишича, Фарғона йўли кўчасидан ўтган «Ҳамза» темирйўл бекатининг қўшимча йўлида турган, тепловози бўлмаган беш дона юк вагонлари қаровсиз қолдирилиши ҳамда вагон ғилдираклари остига қўйилган ғилдиракларни ушлаб турувчи мослама тўлиқ қотирилмаганлиги сабабли, бўш турган икки вагон юриб кетган.
«Вагонлар темирйўл изидан чиқиб кетиши натижасида Фарғона йўли 7-тор кўчасидаги уйнинг деворига бориб урилган. Жароҳат олган фуқаролар йўқ. Суриштирув ишлари олиб борилмоқда», — дейилади Ўзбекистон ИИВ Жамоатчилик ва оммавий ахборот воситалари билан алоқалар бошқармаси ахборотида.
Manba: daryo.uz
Қодировнинг аҳволи жуда оғир: у ворис қидирмоқда
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
