Тошкентда қимматбаҳо тошларни баҳолайдиган марказ очилади

Тошкент шаҳрида “GCI Gemological Centers Uzbekistan” номли халқаро геммология маркази ташкил этилади.

У қимматбаҳо тошларни “GCI” халқаро стандартлари асосида баҳолаш ва сертификатлаш, профессионал геммологик экспертизалар ўтказиш ҳамда ушбу соҳада таълим дастурларини амалга ошириш билан шуғулланади.

“GCI Gemological Centers Ltd.” — дунё миқёсида тан олинган, Исроилда жойлашган нуфузли геммология компанияси бўлиб, қимматбаҳо ва ярим қимматбаҳо тошларни баҳолаш, уларни халқаро мезонлар асосида сертификатлаш ва соҳавий таълимни ташкил этиш йўналишларида фаолият юритади.