Бугун 13 апрель, 2021 йил, сешанба

O'ZB

Тошкентда “Путиннинг лимузини” намойишга қўйилди (фото)

Тошкентда “Путиннинг лимузини” намойишга қўйилди (фото)

Тошкентда ўтган “Иннопром” халқаро саноат кўргазмасида Россия Федерацияси Президенти Владимир Путин учун ишлаб чиқарилган “Aurus” лимузинининг яна бир варианти тақдим этилди. Бу ҳақда “Спутник” хабар бермоқда. 

Қайд этилишича, ушбу орзу автомобили VIP-шахслар учун мўлжалланган бўлиб, Россияда ишлаб чиқарилган автоуловнинг дастлабки талқини Тошкентдаги кўргазма учун атай олиб келинган.

Тошкентда “Путиннинг лимузини” намойишга қўйилди (фото)

"Путин худди шунақа машинада юради", дерди бир-бирига шивирлаб кўргазма иштирокчилари. Путиннинг лимузинига ўхшаш премиум-синфдаги машина ёнида эсдалик учун суратга тушишни хоҳловчилар жуда кўп бўлди”, деб ёзмоқда “Спутник”.

Хотирланишича, Россиянинг амалдаги Президенти “Aurus” лимузинида 2018 йилнинг май ойида ўтказилган инаугурациясида омма олди кўриниш берган. 

Шунингдек, Путиннинг 2019 йилнинг март ойида Қирғизистонга амалга оширган ташрифи давомида ҳам у учун махсус ишлаб чиқарилган “Aurus” лимузини кўргазмага қўйилган эди. 

Россия Президенти 2018 йилнинг октябрь ойида мамлакатга келган Миср Президенти Абдулфаттоҳ ас-Сисини “Aurus Senat” автомобилида сайрга олиб чиққан эди. 

Киритилди: 17:19 08.04.2021. Ўқилди: 3945 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!