Тошкентда кучли шамол кутиляпти. Аҳолига хавфсизлик чораларига амал қилиш тавсия этилди

Фавқулодда вазиятлар вазирлиги маълумотига кўра, Тошкент шаҳри ҳудудида яқин соатларда кучли шамол кузатилиши кутилмоқда. Шу муносабат билан аҳолига хавфсизлик қоидаларига қатъий риоя қилиш тавсия қилинмоқда.

Тавсия этилган хавфсизлик чоралари:

🔹 Яшаш жойларида эшик ва деразаларни, чордоқ ҳамда ҳаво айланиш тизимларини маҳкам ёпиш;
🔹 Кўчада дарахтлар, электр устунлари ёнида турмаслик;
🔹 Кўп қаватли уйлар балконлари ва дераза токчаларидаги буюмларни хавфсиз жойга кўчириш ёки яхши мустаҳкамланганини текшириш;
🔹 Шамол кучайган пайтда мустаҳкам бинолар, ер ости ўтиш йўллари ёки бошқа яшириниш мумкин бўлган жойларга кириш;
🔹 Бузилган биноларга кириш, реклама конструкциялари, дарахтлар ва хавфли устунлар ортига яшириниш тақиқланади.

Шунингдек, автомашиналарни дарахтлар остида ёки енгил конструкцияли бинолар, павилонлар ёнида қолдирмаслик қатъий тавсия этилади.