Тошкент шаҳрида 10 ойлик чақалоққа фастфуд едирилгани сабабли ичаги чириб, шошилинч операция қилинди. Бу ҳақда “Миллар” дастурида маълум қилинди.
Маълумотларга кўра, онаси чақалоғи билан олис вилоятдан Тошкентга йўл олган пайтида тушлик учун лаваш ва картошка фри сотиб олган. Йиғлаб тинчимаган чақалоққа аёл оғзида чайнаб ушбу таомлардан берган. Орадан кўп ўтмай, бола ўзини ёмон ҳис қила бошлаган.
Шифокорларнинг айтишича, болада қусиш, қорин дам бўлиши, ич кетиш ва қон кетиши каби аломатлар кузатилган. Текширув натижасида ичак чиригани аниқланган. Шундан сўнг, болага бир нечта операция керак бўлган. Биринчи босқичда чириган ичак қисми олиб ташланган ва вақтинча стома қўйилган. Бу ҳолатда чақалоқ 6 ойча яшаши мумкин, сўнгра ичакни тиклаш учун яна бир операция ўтказилади.
Республика шошилинч тиббий ёрдам илмий маркази мутахассисларига кўра, сўнгги пайтларда болаларда ичак билан боғлиқ муаммолар бўйича мурожаатлар кўпайган. Кўп ҳолларда она-оталар билмаган ҳолда чақалоқларга сомса, думба ёки бошқа оғир таомларни бериб юборишади, бу эса саломатлик учун жуда хатарли.
Мутахассислар таъкидлашича, болаларни камида 3 ёшгача асосан она сути билан озиқлантириш керак. Фақат 1 ёшдан сўнг аста-секин қўшимча озуқа бериш тавсия этилади.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
