Тошкент шаҳрида иситиш мавсуми 18 мартдан якунланади

Гидрометеорология марказининг прогнозига кўра, яқин 5 кун ичида кундузги ҳаво ҳарорати +20-22°C, кечаси эса +10°Cдан юқори бўлади.

Тошкент шаҳрида 2024-2025 йиллардаги иситиш мавсуми расман 2025 йил 18 мартда якунланишини маълум қилинди. Бу ҳақда ҳокимлик ахборот хизмати маълум қилди.

Қайд этилишича, сўнгги ҳафта давомида Тошкентда кундуз кунлари ҳаво ҳарорати +18-19°C ва ундан юқори, кечалари эса +8°C дан пастга тушмаяпти. Гидрометеорология марказининг прогнозига кўра, яқин 5 кун ичида кундузги ҳаво ҳарорати +20-22°C, кечаси эса +10°Cдан юқори бўлади.

Айни пайтнинг ўзида ҳам пойтахтда ўртача суткалик ҳарорат +12-13°C дан ошган, бу иситиш мавсумини якунлаш учун белгиланган меъёрларга мос келади.

Эслатиб ўтамиз, белгиланган меъёрларга кўра, иситиш мавсуми ўртача суткалик ҳаво ҳарорати +8°C дан юқори бўлган 5 кунлик давр тугаган куннинг эртасидан бошлаб тугайди.