Унинг фикрича, Россия нефти нархи рақобатбардош бўлиб қолаётган экан, Нью-Деҳли уни харид қилишда давом этиши, бир вақтнинг ўзида Вашингтон билан музокара олиб бориши ва бир томонлама савдо имтиёзларига рози бўлмаслиги керак.
Шриваставанинг таъкидлашича, Россия нефтининг чегирмали нархларда етказиб берилиши Ҳиндистоннинг энергетик хавфсизлигини мустаҳкамлаш ва инфляцияни жиловлашга ёрдам берган.
GTRI таҳлилчиларига кўра, Россия нефтидан воз кечиш ёки АҚШ билан савдо келишуви тузиш Ҳиндистонни янги Америка чекловларидан ҳимоя қилишига кафолат бермайди. Вашингтон савдо қонунчилигининг бошқа механизмларидан, жумладан, 1974 йилги Савдо тўғрисидаги қонуннинг 301-бўлими ва соҳавий тарифлардан фойдаланиши мумкин.
АҚШ президенти Дональд Трамп 18 сентябрь куни «2026 йилги Линдси О. Грэмнинг Россия ва Эронга қарши санкциялар тўғрисидаги қонуни»ни имзолади. Қонун Россия нефти ва газини энг кўп импорт қиладиган бешта давлат қаторига кирувчи ҳамда Россия энергетика ресурсларини харид қилишда давом этаётган мамлакатлар товарларига 100 фоизгача бож жорий этиш имконини беради.
Ҳиндистон Россия нефтини энг кўп импорт қилувчи давлатлардан бири ҳисобланади.
GTRI Вашингтон ушбу механизмдан Нью-Деҳли билан икки томонлама савдо келишуви бўйича музокараларда босим ўтказиш учун фойдаланиши мумкинлигидан огоҳлантирмоқда. Қўшимча Америка божлари Ҳиндистоннинг тўқимачилик ва кийим-кечак саноати учун, айниқса кичик ва ўрта корхоналар учун, жиддий хавф туғдириши мумкин.
Муҳожирлар кетмоқда — Москва эса қайтишга чақирмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
"Сиз бир йил олдин ҳам Донбасни бир-икки ойда олишингизни айтган эдингиз”
