Тошкент – Москва – Тошкент йўналиши кечиктирилди

HY601/602 рейси жадвалида ўзгариш: Тошкент – Москва – Тошкент йўналиши кечиктирилди.

“Тошкент – Москва (Домодедово) – Тошкент” йўналиши бўйича 2025-йил 7-май санасига белгиланган ҲЙ601/602 рейси ўзгартирилган жадвал асосида амалга оширилади. Бу ҳақда Uzbekistan Airways матбуот хизмати хабар берди.

Расмий маълумотга кўра, парвознинг кечиктирилишига самолётнинг кечикиб етиб келгани сабаб бўлган.

Янги жадвалга кўра:

HY601 рейси Тошкентдан 7-май куни соат 22:40 да жўнайди ва Москванинг Домодедово аеропортига 8-май куни соат 00:50 да (маҳаллий вақт) етиб боради.

HY602 рейси эса Домодедоводан 8-май куни соат 02:00 да жўнаб, Тошкентга соат 07:45 да (маҳаллий вақт) етиб келади.

Авиакомпания юзага келган ноқулайликлар учун йўловчилардан узр сўраган.