Тошкент фонд биржасида маҳаллий компаниялар ва банкларга хорижий валютада облигациялар чиқаришга рухсат берилади

Бу орқали компаниялар ташқи бозорга чиқмасдан валюта маблағларини жалб қилиш имконига эга бўлади, дейилади президент иштирокида ўтган тақдимотда.

Шу билан бирга, йиғилишда маҳаллий капитал бозорига камида $1 млрд инвестиция жалб қилишга қаратилган чора-тадбирлар муҳокама қилинган.

Хусусан, халқаро стандартларга мувофиқ қимматли қоғозларни маҳаллий ва хорижий фонд биржаларда бир вақтнинг ўзида жойлаштиришни назарда тутувчи "дуал листинг" амалиётларига рухсат бериш режалаштирилмоқда.