Тошкент халқаро аэропортида 6,3 кг марихуанани олиб киришга уринган хорижий йўловчи қўлга олинди. Бу ҳақда Божхона қўмитаси матбуот хизмати хабар бермоқда.
Маълум қилинишича, «Тошкент-Аэро» ихтисослаштирилган божхона комплексига қарашли «Тошкент халқаро аэропорти» чегара божхона пости ходимлари Бангкокдан учиб келган йўловчилардан бирини текширувдан ўтказган.
Йўловчининг қўл юки ва багажи кўздан кечирилганда, турли қадоқлар ичига яширилган 12 та полиэтилен ўрам аниқланган. Ушбу ўрамлар белгиланган тартибда, холислар иштирокида очиб кўрилганида, ичидаги яшил рангли, ўткир ҳидли модда Марказий божхона лабораторияси хулосасига кўра, оғирлиги 6,3 килограмдан зиёд бўлган қуритилган марихуана экани маълум бўлди.
Қайд этилишича, мазкур модда Ўзбекистонда муомаласи тақиқланган гиёҳвандлик воситаси ҳисобланади. Ҳолат юзасидан божхона органлари томонидан жиноят иши қўзғатилди.
Қўмита маълумотларига кўра, 2026 йилнинг дастлабки чорагида «Тошкент-Аэро» ИБК тезкор тузилмалари ва божхона постлари ходимлари томонидан аниқланган 15 та ҳолатда қарийб 30 кг гиёҳвандлик воситалари, жумладан синтетик наркотикларнинг ноқонуний олиб ўтилиши ва яширин айланмасига чек қўйилган. Олиб қўйилган гиёҳвандлик воситалари ҳажми ўтган йилнинг шу даврига нисбатан қарийб 18 килограммга ошган.
Жавоҳир Синдаров ва ижтимоий тармоқларни портлатган сурат
Тадбиркор президентдан 2–3 тонна олтин сўради ва....
2040 йилда 33 та мамлакат сув танқислигига дуч келади
