Кеча 24 июль куни Душанбе шаҳрининг 2-туғруқхонасида Тожикистоннинг 10 миллионинчи фуқароси дунёга келди, унинг исмини Фирдавс, деб қўйишди, дейилади «Ховар» агентлиги тарқатган хабарда. Тожикистон Марказий Осиёда аҳолиси кўплиги бўйича учинчи ўринни эгаллаб ўз позициясини янада мустаҳкамлади, деб ёзмоқда агентлик.
Чақалоқнинг отаси меҳнат мигранти, онаси уй бекаси. Фирдавс ушбу оиланинг бош фарзанди бўлди.
Тожикистон Президенти Эмомали Раҳмон чақалоқнинг ота-оанасини табриклаб, Душанбе шаҳри раисига чақалоқ туғилган оилани турар жой билан таъминлашга кўрсатма берган.
Хабарда айтилишича, Душанбе шаҳри раиси Рустами Эмомали Махфират Шокировага уч хонали уй ажратиш бўйича тегишли фармойишни имзолаган.
Демография, аҳоли бандлиги ва ижтимоий статистика бўлими бошлиғи Абдували Набизоданинг таъкидлашича, Тожикистон аҳолисининг 50,7 фоизи эркакалар ва 49,3 фоизи аёллардан иборат. Шунингдек, болалар ва 18 ёшга тўлмаган фуқаролар сони аҳлининг 40 фоизини ташкил этади.
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
ЖССТ: Исроилнинг Рафаҳга ҳужуми гуманитар фалокатни янада кучайтиради
