The Daily Mail: АҚШ Конституциясидаги бўшлиқ туфайли Трамп 2037 йилгача президент бўлиши мумкин

"Маълумки, Қўшма Штатлар Конституциясининг 22-тузатиши президентларга икки муддатдан ортиқ ушбу лавозимни эгаллашни тақиқлайди. Бироқ нашрнинг ёзишича, ушбу тузатмада бир бўшлиқ бор, у орқали Трамп учинчи, ҳатто тўртинчи муддатга ҳам қолиши мумкин", деб ёзади нашр.

Бу ғоя академик доираларда, Конгресс ва Оқ уй ички муҳокамаларида ҳамда Трампнинг энг содиқ тарафдорлари орасида аллақачон муҳокама қилинмоқда.

Мутахассисларнинг фикрича, тузатишдаги асосий жумла – "Ҳеч ким икки мартадан ортиқ президентликка сайлана олмайди" – деган қоидага асосланган. Бу шуни англатадики, икки марта сайланган президент бошқа президентнинг истеъфоси ёки вафоти сабабли яна президент бўлиш имкониятидан маҳрум қилинмаган.

Шу тариқа, Трамп аввал вице-президентликка номзодини қўйса, президентликка эса Вэнс номзод бўлса, сайловдан сўнг Вэнс қасамёд қилиб, кейин истеъфога чиқса, Трамп унинг ўрнига президентликни эгаллаши мумкин.