Tesla компаниясининг соф фойдаси иккинчи чоракда 16 фоизга камайиб, 1,2 миллиард долларни ташкил қилди. Электромобиллар савдоси эса 12 фоизга қисқарди, деб ёзади DW.
Tesla молия директори Вайбхав Танежининг сўзларига кўра, эҳтиёт қисмлар ва аккумуляторларни импорт қилишга жорий этилган янги бож тўловлари компанияга 300 миллион доллардан ортиқ зарар келтирган. Шунингдек, бренднинг жаҳон бўйича электромобиль етказиб бериш ҳажми 13,5 фоизга камайиб, 384 минг автомобилга тушиб кетган.
Айниқса, электромобиль бозори учун анъанавий муҳим ҳисобланган Калифорнияда пасайиш 20 фоизгача етди.
n-tv нашри таъкидлашича, Маскнинг бошқа бизнес лойиҳалари ҳам мураккаб вазиятга дуч келган. Миллиардер Дональд Трамп билан очиқ қарама-қаршилик шароитида АҚШ ҳукумати xAI ва SpaceX компаниялари билан тузилган давлат шартномаларини бекор қилиш имконини кўриб чиқмоқда.
Аввалроқ Пентагон xAI компанияси билан 200 миллион долларгача бўлган шартнома имзоланганини маълум қилган эди. Шунингдек, SpaceX компанияси АҚШнинг ракета ҳимоя тизими бўлган «Олтин гумбаз» лойиҳасининг эҳтимолий ишлаб чиқувчиси сифатида тилга олинган. Ушбу лойиҳа ғояси Трампга тегишли.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
